Prime di dut lis presentazions: sul sît o podês viodi la nestre mascotte Leon Gigeto che par solit al compagne lis nestris ativitâts. Il leon al è il simbul di San Marc: lu cjatin in teste a ognidune des stradis che a puartin dentri il paîs. O vin cussì pensât di cjapâlu come logo, come segnâl di ricognossiment. Al è un leon simpatic, cussì come a je simpatiche le int dal nestri paîs.

La Pro Loco Paîs di San Marc e nas uficialmentri ai 14 di Març dal 2016, cun la volontât di dâ cetante plui impuartance a trop che fin in chê volte al è stât fat de Associazion Paîs di San Marc, nassude ai 8 di Mai dal 2007. A son datis resintis, ma la tradizion di cjatâsi insiemi di fâ insiemi par il paîs, si sburte ben plui indaûr, forsit vincj o trente agns prime.

Chescj i indiriz principâi de Pro Loco:

• • davuelzi opare fative par organizâ a nivel turistic la localitât, proponint a lis Aministrazions di competence dutis chês iniziativis par difindi e valorizâ lis bielecis naturâls e salacor il patrimoni storic-artistic-monumentâl e ambientâl;
  • promovi e organizâ, ancje in colaborazion cun Ents publics e/o privâts, iniziativis (cunvignis, escursions, spetacui publics, mostris, fiestis, manifestazions sportivis, fieris enogastronomichis e/o di altri gjenar, salacor iniziativis di solidarietât sociâl, recupar ambientâl, restaur e gjestion di monuments, e v.i..) che a coventin par pandi e rindi plui agrât il stâ dai turiscj e une miôr cualitât de vite di chei che a son a stâ;
  • disvilupâ il sens de acoglienze intai confronts dai ospits e la cognossince globâl dal teritori di competence;
  • curâ la tutele, la informazion e la acoglienze dai turiscj, ancje cun la viertidure di uficis a pueste;
  • promovi e disvilupâ ativitâts intal setôr sociâl e dal volontariât a favôr de popolazion da localitât (propueste turistiche specifiche par la tierce etât, progjetazion e realizazion di spazis sociâi destinâts a la educazion, a la formazion e al zûc dai plui piçui, iniziativis di coinvolziment dai variis components de comunitât locâl finalizadis ancje a la eliminazion di ogni sac di emargjinazion, organizazion di itineraris tirustic-didatics par grops scuelastics, scambis da e viers il forest par favorî la cognossince dal teritori, la culture dal stes ancje ri-tacant i valôrs dal teritori e da la culture locâi cun chei dai emigrâts cun residence intal forest, progjets par difindi lis minorancis lenghistichis e des lenghis minoritariis;
• • vierzi e gjestî circui par i Socis;
  • distipulâ convenzions cun Ents publics e privâts par rivâ a dore mantignî i fins sociâi ripuartâts di sore e intal sens plui grant.

Cui che al à voie di metisi cu la nestre Pro Loco, che al mandi une mail ae direzion di pueste dal nestri sît web. Al vignarà riclamât par ducj i berdeis che a coventin.

Buine Pro Loco!