Pignarûl
Aromai par San Marc il Pignarûl a je une tradizion che si piert indaûr tal timp. Al inizi di ogn an, si torne a cjatâsi, par meti adun chest event, di ducj sintût e tant spietât.
Eco la costruzion dal “fugaron”, un bielissim cjistiel di balis di stran che la sere de Epifanie al ven brusât. La direzion dal fum dal fûc, a ven “lete” dai vecjos dal paîs e cussì a saltin fûr strolics, positîfs o negatîfs. Dute la int, oltri a scjaldasi atôr dal gran fûc, a son seneôs di savê prevision. Al è pussibil studâ la sêt cul tè, opûr cul plui indicât broulè, preparât da las femines dal paîs.
La date precise da la manifestazion a pos gambiâ par motîfs di organizzazion.
Se o vês voe di partecipâ us consein di verificâ dì e ore.
Il Pignarûl al scomence a cjapâ la forme. Aromai lis vecjis balis di stran cuadradis cumò a son deventadis “rotobalis”. I tratôrs a àn rimplaçât i braçs che une volte a vongolavin pe costruzion dal “cjistiel di fûc”. Ognicâs al vûl une cierte maestrie par indreçâ ben dutis lis balis. Parsore il Pignarûl à ven dreçâde une scrite: dome cuant che al brusarâ si podarâ dî se l’an apene scomençât al puartarâ furtune o mancul. L’operazion a je tant a riscjo, parcè che bisugne rimpinâsi fintremai ae spice dal cjistiel. Dome i plui ardimentôs a corin chel riscjo, compagnâts da prejere di chei che a cjalin di abas. Cumò il Pignarûl al è pront par jessi brusât. La sere a stâ rivant. Il “cjistiel” al è finît e cumò al è il timp par une partidute di balon, deventade apontament fis de zornade. Dopo jessisi scjaldâts, si bêf cualchi bon tai di vin neri, sot le lobie metûde sù pe l’ocasion. La spiete je lungje, ma jenfri amîs il timp al passe cence gruess problemis.
Il moment al è rivât! Si dividisi in mût di impiâ il “cjistiel” spiçânt il fûc in tancju ponts, cussì che si brusi dut insiemi. Cheste operazion a je chê che ti jemple di sodisfazion. Intant che il Pignarûl al bruse e al scjalde, o impiin cetantis lanternis di cjarte che a van sù intal cîl par sluminâlu di gnovis stelis.
Gnot di magjie, plene di rievocazion e di incjant…
Bon Pignarûl.
